Periutsimut nassuiaat
Namminersorlutik Oqartussani aamma kommunini atorfillit pillugit saqqummersitami sulisut suliaat, akissarseriaasiat aamma sulisut suuneri tunngavigalugit suliarineqarpoq. Pisortat naatsorsuutaani siunertat tunngavigalugit immikkoortiterinerit, sulinermi inissisimaneq, isumaqatigiissutillu suut akissarsititsisarnermi malinneqarnersut tunngavigalugit saqqummersitaq suliarineqarpoq.
Pisortaqarfinni atorfillit pillugit sukumiinerusumik paasininnissaq saqqummersitap siunertaraa. Saqqummersitaq sulisut pillugit paasiniaanerunngilaq.
Saqqummersitami Namminersorlutik Oqartussani sulisut aamma Kommunini sisamaasuni sulisut ataatsimoortillugit kisianni aamma immikkoortillugit naatsorsorneqarput.
Naatsorsukkat tassaapput sulisut amerlassusaat aamma piffissaq tamakkerlugu sulisut amerlassusaat. Piffissaq tamakkerlugu sulisut tassaapput sulisut akunnerit suliffigisaat. Inuit piffissap ilaannaa sulisimasut imaluunniit ukiup ilaannaa sulisimasut piffissaq tamakkerlugu sulisimasutut naatsorsorneqartarput.
Kisitsisaataasivimmi kisitsisit nammineq aalajangerlugit aaneqarsinnaapput, tassani saqqummersitamut sanilliullugu pisortaqarfinni atorfillit pillugit kisitsisit sukumiinerusut pineqarsinnaapput.
Pisortaqarfinni atorfillit pillugit naatsorsuinermut pisortani akissarsiat aaqqissugaanerat najoqqutatut tunngavigineqarpoq. Naatsorsuinerup sivisussusaa kvartalikkaartuuvoq, kisitsinermilu piffissaq tamakkerlugu sulisut inuillu amerlassusaat tunngavigineqarlutik.
Atorfimmi suliat malillugit immikkoortiterineq malillugu pisortani atorfillit pillugit naatsorsuineq suliarineqarpoq. Pisortat ingerlatsisoqarfiannut nunalu tamakkerlugu naatsorsuusiornermi kiffartuusineq pillugu nalunaarsuusiornermut, Classification of the Functions of Government (COFOG) tunuliaqutigineqarluni. COFOG-mi immikkoortulersuineq malillugu immikkoortuliineq pivoq pisortatigut aningaasaqarneq nunalu tamakkerlugu naatsorsuusiornermi kisitsisit atorlugit nassuiaasiornermi tunngaviusoq malillugu. Tunngavittulli tassaalluni Namminersorlutik Oqartussani atorfillit kontiinut pingaarnernut immikkoortiternerat immikkoortunut pingaarnernut kommuunini. Naatsorsuutit kontiini pineqartut COFOG-kodenut atorfimmi suliat nassuiaasigaapput, tassani inummik atorfinititsineq nalunaarsugaasarluni.
Atorfilinnut akissaasersueriaasiat najoqqutaralugit qaammammorsiallit nalunaaquttallu akunnermorsiallit immikkoortinnerat pisarpoq, aammalu pisortat pisortanullu tulliusut, akissarsiaqartut ilai, ilinniartut lærlingellu.
Naatsorsuutit kontiinut siunertatut immikkoortitineq pisortat naatsorsuutaanni atorneqartoq najoqqutaralugu, atorfillit periaaseq assigalugu immikkoortitaapput, taamalu atorfillit immikkoortinnerat Landskassip naatsorsuutaanut siunertamut tunngaviusut kommuninilu kontonut periusissaq akuerisaasoq malillugu suliaasarlutik.
Sulisut sulinermi ingerlataat (KISCO) tunngavigalugit immikkoortuliineq suliarineqarpoq, immikkoortuliineq tamanna International Standard Classification of Occupations (ISCO-08) najoqqutaralugu pivoq. Immikkoortulersuinermi atorfiup qaffasissusia atorfimmilu suliat innimigisaapput.
Isumaqatigiissutikkaartuni akissarsiatigut ataqatigiimmik aaqqissuussinermit aasat tunuliaqutigalugit isumaqatigiissutikkaartunit atorfillit immikkoortiterneqarnerat marlunnik cifferitalimmik suliarineqarpoq.